යාපනේ මඟුල් ගෙයක් වගේ
පලෙයි සිට පැයකුත් මිනිත්තු හතරක ගමනකින් පසු යාල් දේවී දුම්රිය අද (13) පෙරවරු 11.13 ට යාපන දුම්රියපොළට ළඟා විය.
මහින්ද රාජපක්ෂ ජනපති පිළිගැනීමට දුම්රියපොළ පමණක් නොව මුළු නගරයම සරසා තිබිණි.
ශ්‍රී ලංකාවේත් ඉන්දියාවෙත් ජාතික කොඩි එහි විය.අතුරු සිදුරු නැතිව සෙනඟ දුම්රියපොළේ දකින්නට ලැබිණි.
දෙමළ ජාතික සංධානයේ මන්ත්‍රීවරුන් හෝ මහ ඇමැති සී වී විග්නේෂ්වරන් හෝ එහි නොවීය.
දුම්රිය පොළේ චාම් උත්සවයෙන් පසු ජනපති යාපන සම්බන්ධිකරණ රැස්වීමට සහභාගි වීමට නියමිතව සිටියේය.
