මීගහතැන්‍න භීතියෙන් ඇළලෙයි

ඊයේ(11)රාත‍්‍රී 10.45ට පමණ මීගහතැන්න, හේන්යාය ගොරකදූව පැලවත්ත ප‍්‍රදේශයේ නිවසකට ඇතුළු වු පිරිසක් එහි සිටිපියා සහ පුතුන් දෙදෙනාට යකඩ පොලූවලින් පහරදී ඝාතනය කර තිබෙන බව පොලිස්මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා පැවසීය.

මෙලෙස මියගොස් ඇත්තේ වයස අවුරුදු 72ක පියෙක්සහ වයස 42ක් වූ පුතෙකි.යකඩ පොලූ ප‍්‍රහාරවලට ලක්විම හේතුවෙන් බරපතල තුවාල ලැබු පියා සහපුතුන් දෙදෙනා මීගහතැන්න රෝහලට ඇතුලත් කැර ඇති අතර එහිදී පියා සහ එක් පුතෙකුමියගොස් ඇති බව පැවසේ.

මියගිය පියාගේ අනෙක් පුතාද බරපතල තුවාල ලබා නාගොඩ රෝහලටඇතුළත් කර සිටින අතර මෙම ඝාතනයට පුද්ගලයන් 5 දෙනෙක් සම්බන්ධවී ඇති බවටතොරතුරු අනාවරණය වී ඇත.