දන්න කියන කෙනෙක්.. මෙන්න කරන දෙයක්..
කඩුවෙල ප්‍රාදේශිය සංවර්ධන කමිටුවේ සභාපති, ඉදිකිරීම්, ඉංජිනේරු සේවා, නිවාස හා පොදුපහසුකම් අමාත්‍ය විමල් වීරවංශ මහතාගේ ඉල්ලීම පරිදි රාජ්‍ය ආරක්ෂක හා නාගරික සංවර්ධන කටයුතු අමාත්‍යංශය යටතේ ඇති ඉඩම් ගොඩකිරීමේ හා සංවර්ධනය කිරීමේ සංස්ථාව මෙහි ඉදිකිරීම් කටයුතු සිදුකර තිබේ. ඉඩම් ගොඩකිරීමේ හා සංවර්ධනය කිරීමේ සංස්ථාව විසින් මෙහි ඉදිකිරීම් කටයුතු සඳහා වැයකර ඇති මුදල රුපියල් මිලියන 50 කි. චන්ද්‍රිකා කුමාරතුංග මාර්ගයට සමාන්තරව ඉදි වූ මෙම ඇවිදීමේ මංතීරුවේ දිග කිලෝමීටර් 2.4ක් වන අතර පළල මීටර් 4කි.
විමල් වීරවංශ අමාත්‍යවරයාගේ උපදෙස් පරිදි ශ්‍රී ලංකා රාජ්‍ය ඉංජිනේරු සංස්ථාව විසින් ශරීර සුවතා මධස්ථානය ඉදිකර ඇත්තේ ප්‍රජා සත්කාරක සේවාවක් වශයෙනි. ඒ සඳහා වැයවී ඇති මුදල රුපියල් ලක්ෂ 68 කි.
ඇවිදීමේ මංතීරුව ඉදිකිරීමට අමතරව ඒ අවට පරිසරය අලංකාරවත් ලෙස නිර්මාණය කිරීමද ඉඩම් ගොඩකිරීමේ හා සංවර්ධනය කිරීමේ සංස්ථාව විසින් සිදුකර ඇත.ඇවිදීමේ මංතීරුව අසල වල්බිහිවී තිබෙන ඇළ මාර්ගය ප්‍රතිසංස්කරණය කර අලංකාරවත් කිරීම, රාත්‍රි කාලයේදීද ඇවිදීම සඳහා සූර්ය බලශක්තිය සහිත වීදි ලාම්පු යෙදීම,ඇවිදීමේ මංතීරුව දෙපස අලංකාරවත් ලෙස ගස් සිටුවීම ආදී පරිසර අලංකරණ කටයුතුද, මේ යටතේ සිදුකර තිබේ.
