බල්ලන් විකිණීමට තිබේ - අමතන්න නිමල්කා ප්රනාන්දු
තමන් කැඳ වූ සාමයික කේන්ද්‍රයේ සාකච්ඡාව එක්තරා කණ්ඩායමක් විසින් අඩාළ කර දැමීමෙන් අනතුරුව නීතිඥ නිමල්කා ප්‍රනාන්දුට ඊයේ තවත් දුෂ්කර තත්වයකට මුහුණ දීමට සිදුව තිබේ.
බල්ලන් විකි”මට ඇති බව පවසමින් ඇයගේ දුරකථන අංකය ඇතුළත් දැන්වීම් කොටුව දුම්රිය පොළ ඉදිරියේ ඇලවීම මගිනුයි අලුත්ම ප්‍රහාරය එල්ල කර තිබේ.
කොටුව පොලීසියෙන් යනුවෙන් හඳුන්වා තමන්ට කථා කළ පුද්ගලයකු බල්ලන් විකිණීමට ඇත්ද යන්න විමසූ බව ඇය පවසයි.
මේ පිළිබඳව කොටුව පොලීසියෙන් විමසූවිට තම නමින් තවත් දුරකථන අංකයක් එම දැන්වීමේ සඳහන්ව ඇති බව දැනුම් දීමෙන් අනතුරව එම දුරකථනය නිදහස් මාධ්‍ය ව්‍යාපාරයේ ලේකම් සුනිල් ජයසේකරගේ බව හඳුනා ගත් බව ඇය සඳහන් කළාය.
තමන් ඇතුළු ක්‍රියාකාරිකයන් විරෝධතා පවත්වන ස්ථානයේම මෙම දැන්වීම් අලවා තිබුණු බවත් ඒ සම්බන්ධයෙන් පොලීසියට පැමිණිලි කොට ඇති බවත් නීතිඥ නිමල්කා ප්රනාන්දු පැවසුවාය.
මේ සිද්ධිය මගින් සිය දෛනික කටයුතු අවුල් සහගත තත්වයකට පත් කොට ඇති බව ඇය පවසයි.
තම දුරකථන අංක පාවිච්චි කරමින් තමන්ට අනාගතයේදී අනර්ථකාරී ක්‍රියාවක් සිදු කිරීමට ඉඩ කඩ ඇති බවට මේ සිද්ධියෙන් ඉඟියක් කෙරෙන බව දන්වා කොටුව පොලීසියට හා පොලිස්පතිවරයාට මේ සම්බන්ධයෙන් පැමිණිලි කළ බව ඇය තවදුරටත් සඳහන් කළේය.
Comments