එජාපයෙන් බදුල්ලට කරට කර සටනක්

ඌව පළාත් සභා මැතිවරණයේ බදුල්ල දිස්ත්‍රික්කයේ සමස්ථ ඡන්ද ප්‍රතිඵලයට අනුව එක්සත් ජනතා නිදහස් සන්ධානය ලැබූ ඡන්ද සංඛ්‍යාව 209,056 ක් වන අතර ඒ අනුව හිමිවන මන්ත්‍රී ආසන සංඛ්‍යාව 9 කි. 

මේ අතර එක්සත් ජාතික පක්ෂය ලැබූ ඡන්ද සංඛ්‍යාව 197,708 ක් වන අතර එම පක්ෂයට හිමිවන මන්ත්‍රී ආසන සංඛ්‍යාව 8 කි. 

මෙවර මැතිවරණයෙන් ජනතා විමුක්ති පෙරමුණ බදුල්ල දිස්ත්‍රික්කය තුළ ඡන්ද 20,625 ක් ලබා ගැනීමට සමත්වූ හෙයින් හිමිවන මන්ත්‍රී ආසන සංඛ්‍යාව 1කි.

ප්‍රජාතන්ත්‍රවාදී පක්ෂය ලබාගත් ඡන්ද සංඛ්‍යාව 3202කි. නමුත් ආසනයක් හිමිකර ගැනීමට ප්‍රජාතන්ත්‍රවාදී පක්ෂයට නොහැකි විය.